Alma shirkitining xitaydiki qur'an épini chüshürüwétishi amérikadiki musulmanlar teshkilatining tenqidige uchridi

Muxbirimiz erkin
2021-10-15
Share

Alma shirkiti xitay da'irilirining bésimida dunyadiki eng xéridarliq eplerning biri bolghan "Qur'an mejid" ning xitaydiki épini chüshürüwetken. B b s ning xewer qilishiche, xitay da'iriliri bu epte qanunsiz diniy tékistlerning barliqini ilgiri sürüp, alma shirkitige bésim qilghan. Biraq alma shirkiti xitayning konkrét qaysi diniy tékistlerni qanunsiz, dep körsetkenlikini tilgha almighan. Xitay hökümiti 2017-yili Uyghurlargha qarita bashlighan chong tutqunda qur'ani kérim, jeynimaz, hedis kitablirini, namaz, héjap, saqal, teswi, diniy mezmundiki resim we hösni xetlernimu diniy radikalliqning ipadisi, dep uninggha chétishliq yüz minglighan Uyghurni tutqun qilghanidi.

B b s ning bildürüshiche, bu epni ishlepchiqarghan PDMS shirkitining bu heqtiki bayanatida, "Alma shirkitining sözige qarighanda bizning qur'an mejid détalimiz xitay ep dukinidin chiqiriwétilgen. Chünki, bu ep xitay da'iriliri qoshumche melumat telep qilidighan mezmunlarni öz ichige ‍alghan" déyilgen. Alma shirkitining qarari amérikadiki ang chong musulmanlar teshkilati- "Amérika islami munasiwetler kéngishi" ning tenqidige uchrighan.

Bu teshkilatning bayanatida, uning memliketlik diréktori édward axmet michél "Alma shirkiti xitay kompartiyesining buyruqigha boysunup, injil bilen qur'an eplirini chüshürüwétish arqiliq xitayning Uyghur musulmanlirigha irqiy qirghinchiliq qilishni öz ichige alghan diniy ziyankeshlikige yol qoydi" dégen. "Amérika islami munasiwetler kéngishi" buning aldida xilton guruhining xotende méhmanxana sélishigha qarshi bayqut élan qilghanidi. Édward axmet michélning éytishiche, 16-öktebir amérikaning her qaysi jayliridiki 40 tin artuq xilton méhmanxanilirining aldida terbiye xaraktérlik teshwiqat pa'aliyiti élip baridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet