رابىيە قادىر خانىم خەلقئارا دىنىي ئەركىنلىك كومىتېتىغا خىتاينىڭ يېڭى دىنىي بەلگىلىمىسى ھەققىدە مەلۇمات بەرگەن

مۇخبىرىمىز شۆھرەت ھوشۇر
2016.10.19
Share on WhatsApp
Share on WhatsApp

ئۇيغۇر مىللىي ھەرىكىتى رەھبىرى رابىيە قادىر خانىم مۇشۇ ئاينىڭ 14-كۈنى ئامېرىكىدىكى خەلقئارا دىنىي ئەركىنلىك كومىتېتىنىڭ رەئىسى ۋە ئەزالىرىنى زىيارەت قىلىپ، ئۇيغۇر رايونىنىڭ نۆۋەتتىكى دىنىي ۋەزىيىتى ھەققىدە مەلۇمات بەرگەن.

مەسچىتلەرنىڭ نۆۋەتتە بىر ئىبادەت ئورنى ئەمەس، بەلكى خىتاي دائىرىلىرىنىڭ نازارەت ئورنىغا ئايلاندۇرۇلغانلىقى ھەققىدە كۆپلىگەن پاكىتلارنى ئوتتۇرىغا قويغان رابىيە خانىم، ئۇيغۇر رايونىدا 11‏-ئايدىن باشلاپ يولغا قويۇلىدىغان، ياش-ئۆسمۈرلەرنىڭ دىنىي پائالىيىتى سەۋەبلىك ئاتا-ئانىلىرىنى جازالاش ھەققىدىكى يېڭى بەلگىلىمە ھەققىدە نۇقتىلىق مەلۇمات بەرگەن.

ئۇ، بۇ بەلگىلىمىنىڭ رايوننىڭ سىياسىي، ئىجتىمائىي ۋەزىيىتىگە كۆرسىتىدىغان تەسىرلىرىگە قارىتا ئەندىشىلىرىنى بايان قىلىش بىلەن بىرلىكتە، مەزكۇر كومىتېتتىن، ئامېرىكا ھۆكۈمىتىنى خىتاينىڭ دىنىي چەكلىمىلىرىگە قارىتا قاتتىق پوزىتسىيە ۋە ئاكتىپ ھەرىكەتتە بولۇشقا تەكلىپ قىلىش ۋە تەۋسىيەلەردە بولۇشىنى تەلەپ قىلغان.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.