Séda larung budda institutidin mejburiy qayturulghan oqughuchilar qaytip kelmeslikke wede bérishke mejburlan'ghan

Sichüen ölkisige jaylashqan séda larung budda institutidiki oqughuchilar sanini qisqartip, kölimini kichiklitish xizmiti dawamlishiwatqan bir peytte, xitay da'iriliri yene bu instituttin qayturuluwatqan oqughuchilarni kétishtin burun qaytip kelmeydighanliqigha a'it wedinamige qol qoyushqa mejburlawatqanliqi melum boldi.

Istansimiz igiligen uchurlardin qarighanda, bu oqughuchilar wedinamige qol qoyghanda yene, eger wedige xilap qilip qaytip kelse aqiwitige özi ige bolush heqqidimu agahlandurulghan.

1980 ‏-Yillarda qurulghan séda larung budda instituti dunyadiki eng chong tibet buddizmini öginish we tetqiq qilish merkizi hésablinidighan bolup, xitay da'iriliri bu yil 4-ayda höjjet chiqirip 2017-yilgha qeder mezkur mekteptiki oqughuchilar sanini 5000 neper ichide kontrol qilidighanliqini we mekteptiki bir türküm oqughuchilarning qisqartilip, mekteptiki bezi qurulushlarning chéqilidighanliqini uqturghan idi.

Melum bolushiche, mekteptiki oqughuchilarni öz yurtigha mejburiy qayturush xizmiti bashlinip, hazirghiche qayturulghan oqughuchi sani ming neperdin ashidiken.