Рождество байримидин кейинла хитайда бирқисим черкавлардики крест бәлгилирини мәҗбури еливетилди

Мухбиримиз меһрибан
2015-12-29
Share

Христианларниң рождество байриминиң 4-күни йәни 28-декабир күни кәчқурун җеҗияң өлкиси венҗу шәһиридә даириләр әвәткән сақчилар черкав мунарилиридики крест бәлгилирини мәҗбури еливетиш вәқәси йүз бәрди.

29-Декабир радиомиз гуваңдоң бөлүмигә әһвал инкас қилған бир христиан муритиниң билдүрүшичә, дүшәнбә күни кәч саәт 7 ләрдә 70 тин артуқ пуқрачә кийингән сақчи кран машиниси билән черкавға кәлгән вә черкав мунаридики креист бәлгисини еливәтмәкчи болған. Һөкүмәт даирилири черкавға алдин-ала уқтуруш қилмиғини үчүн, черкавдики муритлар пуқрачә кийингән сақчилардин сақчи кинишкиси яки кимликини көрситишни тәләп қилған. Әмма киристни еливетиш үчүн кәлгәнләр кинишкисини көрситишкә унимиғандин кейин, христиан муритлири билән улар оттурисида тоқунуш йүз бәргән.Вәқәни бир тәрәп қилишқа кәлгән сақчилар әһвални юқириға мәлум қилидиғанлиқини билдүргән. Кәч саәт 10 ларда черкав мунаридики крест бәлгиси мәҗбури еливетилгән.

Рождество мәзгилидә йәнә сичүән өлкисиниң нәнчуң шәһиридики бир черкав дөләт земинини қоғдаш сақчилириниң рождество байрими мәзгилидә чоң көләмлик йиғилиш қилмаслиқ ухтурушини тапшурувалған. Нәтиҗидә әслидә 500 дин артуқ мурити болған бу черкав, сақчиларниң тутқун қилишидин сақлиниш үчүн, рождество күни пәқәт 20-30 адәм қатнашқан кичик көләмдики диний йиғилиш қилишқа мәҗбур болған.

Хитайдики диний чәклимиләр хәлқара диний җәмийәтләр, кишилик һоқуқ тәшкилатлири вә ғәрб дөләтлириниң тәнқидлишигә учрап келиватқан болуп, йеқинқи йилларда уйғур районида йолға қоюлуватқан мәсчитләр мунаридики ислам дининиң ай бәлгисини еливетиш, бирнәччә йил илгири йәрлик һөкүмәт даирилириниң буйруқи билән, мәсчит мунари, мәсчит һойлиси һәтта мәсчит меһрабиға хитай дөләт байриқини қадаш һәрикити башлинип, кучар қатарлиқ җайларда бу буйруқ мәҗбури иҗра қилинғанлиқи һәққидә радиомиз хәвәр бәргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт