Xitayning xeyku shehiride bashlan'ghuch mektep oqughuchiliri pichaqliq hujumgha uchridi

Muxbirimiz méhriban
2016.02.29
Share on WhatsApp
Share on WhatsApp

29- Féwral küni xitayning xeyku shehiride bashlan'ghuch mektep oqughuchilirigha pichaqliq hujum weqesi yüz bérip, az dégende 10 oqughuchi yarilan'ghan.

Xongkongda iqtisad gézitining xewiride déyilishiche, weqe xeyku shehiri lungxu'a rayonidiki yangfen bashlan'ghuch mektep oqughuchiliri chüshlük dem élishqa chiqqan mezgilde yüz bergen.

Shu jay waqti etigen sa'et 11 yérim etrapida bir er kishi chüshlük dem élishni saqlap, uzun sep bolup tizilip turghan oqughuchilargha pichaq bilen tuyuqsiz hujum qilghan, 6 oghul oqughuchi, 4 qiz oqughuchi oxshimighan derijide yarilan'ghan. Xongkongda iqtisad gézitining xewiride déyilishiche, weqedin kéyin saqchilar mektepni qamal qilip, qéchip ketken gumandarni tutidighanliqini we gumandarning néme üchün oqughuchilargha hujum qilishining sewebini éniqlaydighanliqini élan qilghan. Ijtima'iy alaqe torliridiki uchurlarda yene, saqchilarning weqe yüz bergen mektepning yénidiki kochidin bir erning ölükini tépiwalghanliqi, ili sijün isimlik 45 yashliq bu erning özini öltürüwalghanliqi, emma uning oqughuchilargha hujum qilghan gumandar ikenliki yaki emesliki téxi békitilmigenliki qatarliqlar tilgha élindi.

Xitay weziyet analizchiliri, xitay hökümitining xitay puqraliri sadir qilghan weqelerdiki hujum gumandarlirini köpinche hallarda “Eqlidin azghan kishiler” dep békitip, Uyghurlarning hökümet saqchilirigha qilghan hujumlirini “Térrorluq weqeliri” dep békitishi diqqet qozghaydighanliqini bildürüp, xitay hökümitining oxshash hujum weqelirining xaraktérini békitishte, weqediki gumandarning millet terkibige qarap ikki bisliq ölchem ishlitiwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.