Ислам мәдәнийитини йоқитиш һәрикити хитай өлкилиридә давам қилмақта

Мухбиримиз әзиз
2019-02-13
Елхәт
Пикир
Share
Принт

Хитай һөкүмитиниң уйғурларға йүргүзүватқан бастуруш һәрикәтлириниң бир нишани ислам мәдәнийитигә четишлиқ мәзмунлар икәнлики мәлум.

Йеқинда хитай һөкүмитиниң хитай өлкилиридә «пан-әрәбчиликкә зәрбә бериш» намида ислам мәдәнийитини ипадилигән барлиқ бәлгиләрни мәни қиливатқанлиқи ашкариланди.

«Йәр шари вақти гезити» ниң хәвиридә ейтилишичә, хитай даирилири хебей вә хәйнән өлкилиридә аммиви сорунлар, җүмлидин ашхана вә мәсчитләрдә әрәбчә йезиқтики шоарларни бирдәк мәни қилған. Болупму ашханиларниң тамақ тизимлики, исламий мәһсулатларда әрәбчә йезиқ яки диний мәзмунларни ишләткәнләр тәкшүрүп бир яқлиқ қилинған.

Хәйнән өлкисиниң сәня шәһиридики бир һөкүмәт әмәлдари бу һәқтә сөз болғанда өзлириниң 2018-йили ноябир ейидин башлап шәһәрдики туңганлар районида мәхсус тәкшүрүш орунлаштурғанлиқини, бу җәрянда 50 нәччә орунда әрәбчә хәт ишлитиш қилмишини байқиғанлиқини ейтип, бу хил тәкшүрүшләрниң буниңдин кейин йәнә давам қилидиғанлиқини билдүргән.

Америкидики хитай өктичи зиялий тең бяв бу һәқтә пикир қилип «бу хитай һөкүмитиниң диний тазилаш һәрикити. Униң мәқсити кишиләрниң диний, миллий вә мәдәнийәт кимликини йоқ қилиш,» дәйду.

Пикирләр (0)
Share
Толуқ бәт