Islam medeniyitini yoqitish herikiti xitay ölkiliride dawam qilmaqta

Muxbirimiz eziz
2019-02-13
Share

Xitay hökümitining Uyghurlargha yürgüzüwatqan basturush heriketlirining bir nishani islam medeniyitige chétishliq mezmunlar ikenliki melum.

Yéqinda xitay hökümitining xitay ölkiliride "Pan-erebchilikke zerbe bérish" namida islam medeniyitini ipadiligen barliq belgilerni men'i qiliwatqanliqi ashkarilandi.

"Yer shari waqti géziti" ning xewiride éytilishiche, xitay da'iriliri xébéy we xeynen ölkiliride ammiwi sorunlar, jümlidin ashxana we meschitlerde erebche yéziqtiki sho'arlarni birdek men'i qilghan. Bolupmu ashxanilarning tamaq tizimliki, islamiy mehsulatlarda erebche yéziq yaki diniy mezmunlarni ishletkenler tekshürüp bir yaqliq qilin'ghan.

Xeynen ölkisining senya shehiridiki bir hökümet emeldari bu heqte söz bolghanda özlirining 2018-yili noyabir éyidin bashlap sheherdiki tungganlar rayonida mexsus tekshürüsh orunlashturghanliqini, bu jeryanda 50 nechche orunda erebche xet ishlitish qilmishini bayqighanliqini éytip, bu xil tekshürüshlerning buningdin kéyin yene dawam qilidighanliqini bildürgen.

Amérikidiki xitay öktichi ziyaliy téng byaw bu heqte pikir qilip "Bu xitay hökümitining diniy tazilash herikiti. Uning meqsiti kishilerning diniy, milliy we medeniyet kimlikini yoq qilish," deydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet