B d t bash katipi ban kimun xitayni musteqil axbarat we ammiwi guruhlarning erkinlikige yol qoyushqa chaqirdi

Muxbirimiz erkin
2016-07-07
Share

B d t bash katipi ban kimun béyjingda xitay tashqi ishlar ministiri wang yi bilen muxbirlarni kütüwélip, xitay da'irilirini musteqil axbarat we puqralar jem'iyetlirining erkin tereqqiyatigha yol qoyushqa chaqirghan.

U ban kimun bilen wang yi peyshenbe küni söhbet ötküzgendin kéyin ortaq axbarat élan qilish yighini ötküzgen. Lékin yighinda wang yi ban kimunning chaqiriqigha héchqandaq inkas qayturmighan.

Ban kimun 6‏-iyul xitay ziyaritini bashlashtin burun kishilik hoquq közitish teshkilati uninggha mektup yézip, ban kimunning kishilik hoquqni otturigha qoyushini telep qilghan.

D u q mu'awin re'isi esqerjan, ban kimunning bu sepiri uning "Uyghur, tibet, mongghul mesilisi we kishilik hoquqni otturigha qoyidighan eng axirqi pursiti" dep körsetken idi. Ban kimun peyshenbe küni yene xitay re'isi shi jinping bilen uchrashqan.

Ban kimun axbarat yighinida xitayning dawamliq islahat dewride turuwatqanliqini eskertip, özining xitay rehberler bilen körüshkende ularni xitay puqralar jem'iyitining ijabiy tereqqiyatigha zörür boshluq yaritip bérishqa chaqirghanliqini bildürgen.

Uning ashkarilishiche, u yene muhit asrighuchilar, kishilik hoquqni qoghdighuchilar we xitayning kishilik hoquq ehwali heqqide toxtalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet