Kishilik hoquqni közitish teshkilati xitayni saqchi qanun layihisini özgertishke chaqirdi

Muxbirimiz irade
2016-12-22
Share

Kishilik hoquqni közitish teshkilati xitay hökümitini saqchi qanun layihisini xelq'ara ölchemlerge maslashturup qayta yézip chiqishqa chaqirdi.

Mezkur teshkilat charshenbe küni élan qilghan bayanatida, xitaydiki saqchilarning zorawanliqigha a'it körünüshlerning keng tarqilip, jem'iyette intayin yaman tesir peyda qilghanliqini, emma bu yéngi qanun layihisining mushundaq zorawan saqchilarni jawabkarliqqa tartish üchün emes, belki ularning yolsizliqlirigha yenimu keng yol échip béridighanliqini bildürgen.

Kishilik hoquqni közitish teshkilati qanun layihisi heqqidiki endishilirini töwendiki nuqtilargha yighinchaqlighan : bu qanun layihisi saqchilarning qoral küchini keng-kushade ishlitishige yol échip béridu. Layihidiki saqchilarning qoral küchi qollinishini heqliq qilidighan ölchemler xelq'araliq ölchemlerdin tolimu yiraqlap ketken. Jümlidin u tinchliq bilen kishilik hoquq pa'aliyiti qilghan hem xitay kompartiyisini eyibligenlergimu qoral ishlitish imkani tughduridu. U shuningdek, saqchilarning xalighanche intérnét we shuningdek bashqa xil alaqe qorallirini tekshürüshige we hetta toxtitip qoyushigha yol échip bergenning eksiche,

Saqchilarning chékidin ashqan qudritini chekleydighan alahidilikke ige emes.

Teshkilatning asiya ishliri diréktori sofi richardson bayanattiki sözide, xitay hökümitining saqchilarning qudritige cheklime qoyush arqiliq, öz puqralirini zomigerliktin qoghdishi kéreklikini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet