Kishilik hoquq pa'aliyetchisi xu'ang chi "Dölet mexpiyetlikini ashkarilash" jinayiti bilen qolgha élin'ghan

Muxbirimiz irade
2016-12-22
Share

Xelq'ara kechürüm teshkilatining bildürüshiche, xitaydiki kishilik hoquq depsendichilik weqelirini pash qilidighan nahayiti az sandiki tor betlerning biri bolghan "Tiyenwang 64" namliq tor betning qurghuchisi, kishilik hoquq pa'aliyetchisi xu'ang chi "Dölet mexpiyetlikini ashkarilash" jinayiti bilen resmiy qolgha élin'ghan.

Xu'ang chining bu tor béti 1989-yilidiki qanliq basturulghan 4-iyun oqughuchilar herikitini eslep turush üchün "Tyenwang64" dep atalghan bolup, u tor bétide xitaydiki hökümet emeldarlirining zorawanliqliri, yer majiraliri qatarliq xitaydiki axbaratlarda yer almaydighan xewerlerni pash qilip kelgen. Uning bu tori mushu yil 11-ayning béshida "Chégrasiz muxbirlar teshkilati" ning axbarat erkinliki mukapatigha érishken. U bu mukapatqa ériship aridin bir hepte ötkendin kéyin chéngdu saqchi da'iriliri teripidin öyidin tutup kétilgen.

Chéngdu saqchi da'iriliri ötken jüme küni uning a'ilisidikilerge resmiy uqturush ewetip, xu'ang chining "Dölet mexpiyetlikini ashkarilash" jinayiti bilen resmiy qolgha élin'ghanliqini uqturghan.

Xelq'ara kechürüm teshkilati tetqiqatchisi patrik pun firansiye agéntliqigha qilghan sözide, xu'ang chining xelq'araliq organlarning teqdirige érishkenliki sewebidin xitay hökümitining nishanigha aylinip qalghan bolushi mumkinlikini, xitay hökümitining bu arqiliq xu'angchigha oxshaydighan shexslerge agahlandurush bériwatqan bolushi mumkinlikini éytqan. U shundaqla yene hazir özlirining uning qéyin-qistaqqa élinishidin endishe qiliwatqanliqini bildürgen.

Melum bolushiche, bu shi jinping dölet re'isi bolghandin béri xitaydiki kishilik hoquq aktiplirigha qaritilghan bésimning kücheygenlikining eng yéngi bir misali bolup hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet