Gu'angshidiki zenjirsiman partlashta 7 adem öldi

Muxbirimiz ümidwar
2015-09-30
Share

Gu'angshi ju'ang aptonom rayonining lyuchéng nahiyiside charshenbe küni uda 17 qétim zenjirsiman partlash weqesi yüz bérip, yette adem ölüp, on nechche adem yarilan'ghan.

B b s agéntliqining xewer qilishiche, mezkur partlashta 51 ademning yarilan'ghanliqi, 2 ademning yoqap ketkenliki bildürülgen bolup, partlash charshenbe küni chüshtin kéyin 3tin 15 minut ötkende we sa'et 5 te yüz bergen. Partlash shu jaydiki doxturxana, bazar, türme, aptobus békiti we bir qanche hökümet binalirida yüz bergen iken.

Bu weqeni xitaydiki "Nen'go sehiri géziti" mu xewer qilghan bolup, lyuchéng nahiyilik saqchi idarisi ahalilargha jiddiy uqturush chiqarghan. Uqturushta pochtidin kelgen xaltilarni achmasliq agahlandurulghan.

Hazir, partlash sewebi we gumandarlar tekshüriliwatqan bolup, xitay metbu'atida lyuchéng nahiyisi tewesidin wéy famililik bir neper 33 yashliq gumandarning tutqun qilinip, tekshürülüshi astigha élin'ghanliqi ashkarilandi.

Gu'angshi, jenubidiki xitaydiki ju'ang millitining aptonom rayoni bolup, mezkur aptonom rayon ahalisining 62% ni xitaylar, 32% ni ju'ang milliti teshkil qilidu.

Partlash yüz bergen lyuchéng nahiyisi lyuju shehirige qarashliq nahiye bolup, gu'angshidiki eng chong sana'et bazisi hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet