Shangxey shehiri qeshqerde "Shinjanggha nishanliq yardem bérish ma'arip guruhi" ni qurup chiqqan

Muxbirimiz irade
2019-10-17
Élxet
Pikir
Share
Print

Tengritagh torining xewirige qarighanda, "Shinjanggha nishanliq yardem bérish" deydighan siyaset boyiche qeshqerni höddige éliwalghan shangxey shehiri "Shinjanggha nishanliq yardem bérish ma'arip guruhi" ni qurup chiqqan. Mezkur organning qurulush murasimi 16-öktebir küni qeshqerde ötküzülgen.

Bu heqtiki xewerde shangxey shehirining qeshqerde "Ma'arip guruhi" qurushi- "Qeshqerdiki ma'arip süpitini yuqiri kötürüp, herbir perzentning milletler ittipaqliqini qoghdaydighan we shinjangni qurup chiqishtiki awan'gart maysilardin qilip terbiyelep chiqish arqiliq yéngiche weziyettiki yéngiche telepni qandurup, uzun muddetlik kapaletni berpa qilidu," dep teriplen'gen. 

Amérika Uyghur birleshmisining re'isi élshat hesen ependi xitay hökümitining Uyghurlar zich olturaqlashqan qeshqerde shangxey bilen ma'arip hemkarliqi guruhi qurushini ata-aniliri lagérgha qamalghanliqtin yétimxanilargha yighiwélin'ghan Uyghur balilirini xitay ma'aripida terbiyeleshke munasiwetlik bolushi mumkin, dédi. Uning qarishiche, xitay hökümiti bu arqiliq Uyghur élige yenimu köp xitay oqutquchilarni yötkeshke heriket qiliwatqan bolushi mumkin iken. 

Qeshqer xewer torining xewirige qarighanda, 17-öktebir küni yene qeshqerde 9-türkümde shendung ölkisidin shinjanggha nishanliq yardemge ewetken partiyelik oqutquchilar we 2019-yili yéngidin shinjanggha nishanliq yardemge kelgen partiyelik oqutquchilar muhakime yighini uyushturulghan. Xewerde éytilishiche, qeshqer 2-ottura mektepte échilghan bu yighinda barliq partiye ezaliri "Shi jinpingning 'esliy meqsetni untumay, burchni este ching saqlash' toghrisidiki bayanliridin üzündiler" ning bir qisim mezmunlirini ögen'gen. Shundaqla bashtin-axir "Menggü ketmeydighan yuqiri sapaliq oqutquchilar qoshuni berpa qilish" ni nishan qilip ishligen xizmetlirini tonushturghan.

Toluq bet