2021-Yilliq intérnét erkinliki doklatida xitay tenqid obyéktigha aylandi
Amérikadiki “Erkinlik sariyi” teyyarlighan “Téxnologiye shirketlirige qaritilghan kontrolluq” témisidiki doklatta 2021-yilidiki tor erkinliki mesilisi estayidil bahalan'ghan bolup, xitay hökümiti yene bir qétim muhim tenqid obyékti boldi.
Doklatta körsitilishiche, pen-téxnika shirketlirining hökümet élan qilghan kontrolluq tedbirlirining iskenjisige chüshüp qélishi, bu xildiki shirketler aptomatik halda toplaydighan xususiy uchurlarning hökümetke yollap bérilishi, tor boshluqidiki süzgüch derijisining yuqirilishi, pen-téxnika shirketlirining tereqqiyat yolini hökümet békitip bérish qatarliq sahelerning hemmisidila xitay aldinqi orunni igiligen.
Doklatta “Xitay nöwette tor erkinliki sahesidiki eng nachar bolush rékortini yaratqan dölet” dep xulase chiqirilghan.
Ötken birnechche yilda xitaydiki yuqiri pen-téxnika shirketlirining Uyghur diyaridiki torlashqan nazaret méxanizmi we zor tutqun'gha oxshimighan derijide biwasite yardemde bolghanliqi heqqide türlük uchurlar melum bolghanidi.
- Elfidar iltebir amérika Uyghur birleshmisining yéngi nöwetlik re'islikige saylandi
- Ghuljada türmidin chiqqan yaqup hesen harpa küni, oghli bilal yaqup héyt küni tügep ketken
- Qeshqerde lagérgha adem tutushta xizmet körsetken saqchining qizimu 10 yilliq késilgen
- B d t emeldarining xitayning Uyghurlar heqqidiki saxta teshwiqatlirigha masliship, xitaydin 200 ming dollar pul alghanliqi ashkarilandi
- B d t kishilik hoquq aliy komissari bachélétning xitay ziyariti resmiy bashlandi
