Xitay merkizi téléwiziye istansisi ikki tor betni dölet ichide ishlen'gen filimlarni qesten nachar bahalash bilen eyiblidi

Muxbirimiz irade
2016.12.29
Share on WhatsApp
Share on WhatsApp

Xitay hökümitining resmiy téléwiziye istansisi bolghan CCTV qanili bir programmisida xitaydiki “Mawyen” we “Dowben” namliq ikki kino bahalaydighan tor betni xitay ichide ishlen'gen filimlerge qesten töwen nomur berdi, dep eyibligen.

Firansiye agéntliqining xewer qilishiche, bu ikki tor bette chet'ellerde we xitay ichide ishlen'gen kino filimliri pütünley tor qollan'ghuchiliri bergen yultuzlar asasida bahalinidiken, biraq, CCTV xewiride bu tor betni “Dölet ichide ishlen'gen filimlerge tordashlar bergen 5 yultuzni qesten öchürüwétip, bir yultuzlarni qaldurup qoydi” dep eyibligen. Emma yuqiridiki ikki tor betning bashqurghuchiliri bayanatida buni ret qilip “Filimlerge bérilgen yultuzlar tor qollan'ghuchilirining meydanini öz eyni eks ettüridu” dégen.

Firansiye agéntliqining éytishiche, mezkur weqe xitaydiki munazire tor betliride küchlük inkas qozghighan. Xitay tor qollan'ghuchiliri hökümetning kinochiliqtin xewiri yoqluqini mesxire qilish bilen birge, uni pikir erkinlikige arilishish bilen eyibligen. Bir tordash inkasida “Siler bizge bu kino nacharken dégilimu qoymamsiler” dep yazghan.

Xitaydiki kinochiliq sahesi xitay hökümitining bashqurush we cheklimisige eng köp uchraydighan sahelerning biri bolup, xitay bu yil 11-ayda bir qanun chiqirip “Kino filimliri choqum sotsiyalistik qimmet qarishini eks ettürüshi kérek” dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet