"делта" вариянти түпәйлидин шямен шәһри толуқ қамал қилинған

Мухбиримиз әзиз
2021-09-14
Share

Таҗисиман вирусиниң йеқиндин буян әвҗигә чиқиватқан "делта" вариянти хитайниң шямен шәһридики он нәччә кишидә байқалған болуп, хитай һөкүмити 13-сентәбирдин башлап пүткүл шәһәрни қамалға алғанлиқини җакарлиған.

"бломберг хәвәрлири" ниң бу һәқтики хәвиридә ейтилишичә, шямен шәһри хитайдики көплигән еликтронлуқ мәһсулат ишләпчиқиридиған завутларниң макани икән. Һөкүмәтниң бу һәқтики уқтуруши түпәйлидин пүткүл аһалилар райони вә завут районлири қамалға елинған. Шуниңдәк барлиқ мәктәпләр тақалған һәмдә оқуғучилар тордин дәрс аңлашқа орунлаштурулған. Хитай сәһийә министирлиқиниң мутәхәссислири бу һәқтә сөз қилип: "биз һазир бу йеңи вариянтниң тарқилип кәтмәслики үчүн мушундақ пәвқуладдә қарарни елишқа мәҗбур болдуқ" дегән.

Мәлум болушичә, бу хитай һөкүмити таҗисиман вирусиниң ямришидин халас болғандин кейинки йеңи бир апәтниң башлиниши икән. Әмма хитай һөкүмитиниң бу хил җиддй әһвалларда һәқиқий әһвални ташқий дунядин йошуруштәк характери түпәйлидин шямен шәһридики юқум әһвалиниң тәпсилати һазирчә намәлум икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт