"Délta" wariyanti tüpeylidin shyamén shehri toluq qamal qilin'ghan

Muxbirimiz eziz
2021-09-14
Share

Tajisiman wirusining yéqindin buyan ewjige chiqiwatqan "Délta" wariyanti xitayning shyamén shehridiki on nechche kishide bayqalghan bolup, xitay hökümiti 13-séntebirdin bashlap pütkül sheherni qamalgha alghanliqini jakarlighan.

"Blombérg xewerliri" ning bu heqtiki xewiride éytilishiche, shyamén shehri xitaydiki köpligen éliktronluq mehsulat ishlepchiqiridighan zawutlarning makani iken. Hökümetning bu heqtiki uqturushi tüpeylidin pütkül ahalilar rayoni we zawut rayonliri qamalgha élin'ghan. Shuningdek barliq mektepler taqalghan hemde oqughuchilar tordin ders anglashqa orunlashturulghan. Xitay sehiye ministirliqining mutexessisliri bu heqte söz qilip: "Biz hazir bu yéngi wariyantning tarqilip ketmesliki üchün mushundaq pewqul'adde qararni élishqa mejbur bolduq" dégen.

Melum bolushiche, bu xitay hökümiti tajisiman wirusining yamrishidin xalas bolghandin kéyinki yéngi bir apetning bashlinishi iken. Emma xitay hökümitining bu xil jiddy ehwallarda heqiqiy ehwalni tashqiy dunyadin yoshurushtek xaraktéri tüpeylidin shyamén shehridiki yuqum ehwalining tepsilati hazirche namelum iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet