Xitayda "Köpükche waba" bilen yuqumlinish weqesi körülgen

Muxbirimiz irade
2020-07-07
Élxet
Pikir
Share
Print

Xitayning ichki mongghuliye rayonida bir charwichining "Köpükche waba" bilen yuqumlan'ghanliqi jezmleshtürüldi.

"Nyu-york waqti" gézitining xewer qilishiche, yuqiridiki bu wirusning qaytidin körülüshi bügünkidek dunya tajsiman wirus bilen küresh qiliwatqan mezgilde, kona tehditlerning yenila mewjutluqidin dérek béridiken.

Xewerde körsitilishiche, bayannur sheherlik sehiye komitéti yekshenbe küni charwichigha waba bilen yuqumlan'ghan, dep di'agnoz qoyulghanliqini, uning hazir doxturxanida dawaliniwatqanliqini, weziyitining muqimliqini éytqan.

Mezkur komitét yene üchinchi derijilik agahlandurush uqturushi tarqitip, kishilerni yuqumlinish éhtimalliqi bolghan haywanlarni owlimasliq we yémeslikke, bolupmu ölgen yaki késel bolghan chashqanlarni doklat qilishqa chaqirghan.

Sheherlik hökümet wabaning aldini élish tedbirlirini yolgha qoyghan bolup, ular bu yilning axirighiche küchke ige bolidiken.

Ottura esirde "Qara ölüm" dep tonulghan bu waba eslide yérsinya ziyandash hasharat baktériyesidin kélip chiqqan bolup, yuqumlan'ghan chashqanlardiki bürgiler arqiliq tarqilidiken.

Dunya sehiye teshkilati bu heqtiki bayanatida köpükche waba bilen dawalinalmighan bimarlarning texminen% 30 tin% 60 nisbitining ölüm bilen netijilinidighanliqini bildürgen. Eger antibi'otik dorilar baldur bérilse, késellikni saqaytqili bolidighanliqini éytqan.

Toluq bet