Xitay puldarlar awstraliyedin kélidighan zeytun méyigha yétiwalghan

Xitayda ishlen'gen yémeklerdiki ishenchsizlik puldar xitaylarni chet'el yémeklirige yüzlendürmekte iken. “Wal strit zhurnili” da bu heqte yézilghan bir parche maqalide körsitishiche, nöwette xitay puldarlar awstraliyedin kélidighan zeytun méyigha yétiwalghan.

Buning bilen xitay shirketliri awstraliyede zeytun méyi ishlep chiqiridighan shirketler bilen jiddiy rewishte toxtam tüzüshke bashlighan.

Xitay ötken yilila 184 milyon dollar qimmitidiki zeytun méyi import qilghan. Bu 2012-yilidikidin 10 pirsentke yéqin ösken.

Nöwette awstraliye zeytun sana'itining 10 pirsentini xitay sodigerler igilep bolghan.

Xitaydiki yémek-ichmek bixeterliki mesilisi intayin éghir mesililerning biri.

Ilgiri bir qisim xewerlerde chashqan göshidin yasalghan saxta qoy gösh kawipi, ewrez méyidin ayrilghan atalmish “Ésil may” lar heqqidiki wehimilik xewerler Uyghur tordashlar arisida munazire qilin'ghan idi.