Уйғур район даирилириниң боснийә-гертсеговина вә сербийәниң хитайдики әлчилирини тәклип қилиши диққәт қозғиди

Мухбиримиз ирадә
2021-06-17
Share

Хитайчә тәңритағ ториниң хәвиридин қариғанда, 10-июн күни уйғур райониниң рәиси шөһрәт закир үрүмчидә боснийә-гертсеговина вә сербийәниң хитайда турушлуқ баш әлчилири билән көрүшкән.

Хәвәрдә мунулар дейилгән:

"шөһрәт закир партийә комитети вә аптоном районлуқ һөкүмәткә вакалитән икки вәкилниң зияритини қарши алди. Шөһрәт закир шинҗаңниң омумий вәзийити вә иқтисадий вә иҗтимаий тәрәққиятини, шундақла шинҗаңниң кишилик һоқуқни илгири сүрүш вә қоғдаш, қанун бойичә һәр милләт кишилириниң һоқуқини қоғдаш, террорлуқ вә радикаллиққа қарши туруш тәдбирлирини тонуштурди."

Шөһрәт закир йәнә райондики һәр милләт кишилириниң хушаллиқ вә бәхт туйғуси көрүнәрлик күчәйгәнликини ейтип бу иккийләндин уйғур елиниң "һәқиқий әһвали" ни дуняға тонутушни тәләп қилған.

Хәвәрдә илгири сүрүлүшичә, боснийә-гертсеговина вә сербийәниң әлчилириму өзлириниң бу зиярәттин хурсән болғанлиқини, бу йәрдики иқтисади гүллиниш вә тәрәққият, җәмийәт инақлиқи вә муқимлиқи, кишиләрниң хушаллиқи, диний етиқад әркинлики вә гүзәл тәбиий мәнзирилирини көрүп тәсирләнгәнликини билдүргән. Һәтта йәнә сербийәниң хитайдики баш әлчиханисиниң мәсуллири сербийәниң хитайниң террорлуққа қарши туруш вә радикаллиқни түгитиштики тиришчанлиқи вә зор мувәппәқийәтлирини қоллайдиғанлиқини вә қәдирләйдиғанлиқини тәкитләп, бу хәлқара җәмийәтни террорлуққа қарши туруштики мувәппәқийәтлик тәҗрибиси билән тәминләйду, дегән.

90-Йилларда сабиқ йүгүславийә парчиланғандин кейин ички уруш йүз берип, босинийәлик мусулманлар серблар тәрипидин кәң көләмдә қирғин қилинғаниди. Босинийәлик һәрбий қомандан ратко миладик вә униң сабиқ рәһбири, босинийәлик серблардин болған президент радован карадзикниң һәр иккиси ирқий қирғинчилиқ вә инсанийәткә қарши җинайәт билән хәлқара җинайи ишлар соти тәрипидин сотлинип өмүрлүк қамақ җазасиға һөкүм қилинғаниди.

Хитай даирилириниң тариихтики мииллий қирилиш вә қириш вәқәси йүз бәргән район вәкиллирини бирликтә дәвәт қилиши күчлүк диққәт қозғиди. Хитай һөкүмитиниң қаттиқ оғисини қайнатқан әнглийә "уйғур сот коллегийәси" ниң сотчиси җеффери найис әпәнди сабиқ йүгүславийә федератсийәси билән кейинчә сабиқ сербийә җумһурийитиниң президенти болған слободан милошевични балқан уруши сәвәбидин сотқа тартишқа йетәкчилик қилған вә хәлқара җинайи ишлар соти билән һәмкарлашқан сабиқ сотчи иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт