Америка җаза тәдбири қойған хитай ширкәтлириниң зиян тартиватқанлиқи мәлум

Мухбиримиз ирадә
2020-09-17
Share

Уйғур аптоном районлуқ даириләр йеқинда «аптоном районниң ташқи сода, ташқи мәбләғни муқимлаштуруш хизмити лайиһәси» дәп аталған 18 түрлүк тәдбирни оттуриға қойған.

Америка һөкүмити йеқиндин буян арқиму-арқидин уйғур елидики мәҗбурий әмгәккә четишлиқ болған биңтуәнгә, башқа нурғун ширкәт вә карханиларға җаза тәдбири елан қилған иди. Шуңа хитай һөкүмити елан қилған бу ташқи содини муқимлаштурушқа алақидар тәдбир көзәткүчиләрниң диққитини қозғиди.

«Тәңритағ тори» ниң хәвиридин мәлум болушичә, «уйғур районлуқ ташқи сода, ташқи мәбләғни муқимлаштуруш ишханиси» тәрипидин елан қилинған бу хизмәт лайиһәсидә «һәрқайси җайларниң ташқи сода импорт-експорти, ташқи мәбләғни муқимлаштуруш нишанини орундишиға һәйдәкчилик қилиш; дөләт вә аптоном районниң баҗни кемәйтиш, һәқни төвәнлитиш, пул муамилә ярдимини йәниму күчәйтиш арқилиқ карханиларға ярдәм беришини күчәйтиш вә бу арқилиқ карханиларниң қейинчилиқини һәл қилиш, карханиларниң мәсилә инкас қилиш вә һәл қилиш йоллирини йәниму раванлаштуруш керәк,» дегәндәк тәклип-пикирләр орун алған.

Чәтәлләрдики көзәткүчиләр юқириқи мәзмунлар уйғур елидики америка һөкүмити тәрипидин җазаланған вә мәһсулатлириниң америкаға кириши чәкләнгән хитай ширкәтлириниң иқтисадий җәһәттин қейин әһвалға чүшүп қалғанлиқини көрситип беридиғанлиқини, буни американиң мәҗбурий әмгәкни җазалаш йолидики қазанған нәтиҗилириниң бири, дәп қарашқа болидиғанлиқини ейтти.

Америка таможна вә чегра қоғдаш идариси 14-сентәбир дүшәнбә күни «бәш хил тутуп қелиш буйруқи» елан қилип, йәнә бәш орун тәрипидин ишләп чиқирилған барлиқ мәһсулатни мәҗбурий әмгәккә четишлиқ дәп бекиткән вә уларниң америка базириға киришини чәклигән иди. Американиң бундақ тәдбирләрни йәниму кеңәйтидиғанлиқи мәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.