Америка, японийә вә франсийә хитай тәһдитигә қарши бирләшмә һәрбий манивер өткүзгән

Мухбиримиз җәвлан
2021-05-17
Share

Йиллардин бери хитайниң җәнуби деңиздики мәвҗутлуқи вә кеңәймчилики әтраптики районға тәһдит пәйда қиливатқан болуп, америка өз иттипақдашлирини йениға тартип, бу иғвагәрликни тосуш үчүн һәрикәтлинип келиватқаниди.

Америка бирләшмә агентлиқиниң хәвәр қилишичә, шәнбә күни (15-май) японийә қоғдиниш армийәси, америка деңиз армийәси вә франсийә қуруқлуқ армийәси бирлишип, японийәниң җәнубидики бир аралда һәрбий манивер өткүзгән. Улар йәнә 18-май күнидин башлап японийә тәвәсидә тунҗи қетимлиқ бирләшмә һәрбий манивер өткүзидикән. Үч дөләт әскәрлири японийә қоғдиниш әтритиниң бир мәшқ мәйданида шәһәр җеңи манивери елип баридикән, буниңға тәхминән 200 әскәр қатнишидикән.

Алдинқи һәптә австралийәму юқири үч дөләт билән бирлишип, шәрқий деңизда һәрбий манивер елип барған болуп, буниңға 11 уруш парахоти қатнаштурулғаниди.

Бу қетимқи һәрбий манивер хитайниң японийә билән деңиз територийәси талишиш, болупму синкако арилиниң игилик һоқуқини талишиш вәзийитигә тоғра кәлгән болуп, японийә тәрәп хитайниң кеңәймичилик қара нийитидин барғансери әндишә қилмақта икән. 2-Дуня урушидин кейин түзүлгән японийә асасий қанунида японийәниң һәрбий күчи пәқәт өзини қоғдаш даириси биләнла чәкләнгән болуп, йеқинқи йиллардин бери хитай тәһдитиниң күчийишигә әгишип, японийәму американиң қоллиши билән өзини һәрбий күч җәһәттин тәрәққий қилдурушқа өткән вә дөләт мудапийә хам чотини өстүргән.

Хәвәрдә ейтилишичә, америка билән японийә "төт тәрәп сөһбити" мунбири қурған болуп, һиндистан билән австралийә буниңға әза икән, улар асаслиқи һинди-тинч окянниң бихәтәрлики вә әркин сода райони бәрпа қилишни мәқсәт қилған. Хәлқара җамаәт буни хитайниң күнсери ешип бериватқан тәһдитигә қарши түзүлгән иттипақ дәп қариған. Әмма хитай һөкүмити бу иттипақни "соғуқ мунасивәтләр уруши идийәсигә таянған гуруһваз бирлик" дәп әйиблигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт