Amérika, yaponiye we fransiye xitay tehditige qarshi birleshme herbiy maniwér ötküzgen

Muxbirimiz jewlan
2021-05-17
Share

Yillardin béri xitayning jenubi déngizdiki mewjutluqi we kéngeymchiliki etraptiki rayon'gha tehdit peyda qiliwatqan bolup, amérika öz ittipaqdashlirini yénigha tartip, bu ighwagerlikni tosush üchün heriketlinip kéliwatqanidi.

Amérika birleshme agéntliqining xewer qilishiche, shenbe küni (15-may) yaponiye qoghdinish armiyesi, amérika déngiz armiyesi we fransiye quruqluq armiyesi birliship, yaponiyening jenubidiki bir aralda herbiy maniwér ötküzgen. Ular yene 18-may künidin bashlap yaponiye teweside tunji qétimliq birleshme herbiy maniwér ötküzidiken. Üch dölet eskerliri yaponiye qoghdinish etritining bir meshq meydanida sheher jéngi maniwéri élip baridiken, buninggha texminen 200 esker qatnishidiken.

Aldinqi hepte awstraliyemu yuqiri üch dölet bilen birliship, sherqiy déngizda herbiy maniwér élip barghan bolup, buninggha 11 urush paraxoti qatnashturulghanidi.

Bu qétimqi herbiy maniwér xitayning yaponiye bilen déngiz téritoriyesi talishish, bolupmu sinkako arilining igilik hoquqini talishish weziyitige toghra kelgen bolup, yaponiye terep xitayning kéngeymichilik qara niyitidin barghanséri endishe qilmaqta iken. 2-Dunya urushidin kéyin tüzülgen yaponiye asasiy qanunida yaponiyening herbiy küchi peqet özini qoghdash da'irisi bilenla cheklen'gen bolup, yéqinqi yillardin béri xitay tehditining küchiyishige egiship, yaponiyemu amérikaning qollishi bilen özini herbiy küch jehettin tereqqiy qildurushqa ötken we dölet mudapiye xam chotini östürgen.

Xewerde éytilishiche, amérika bilen yaponiye "Töt terep söhbiti" munbiri qurghan bolup, hindistan bilen awstraliye buninggha eza iken, ular asasliqi hindi-tinch okyanning bixeterliki we erkin soda rayoni berpa qilishni meqset qilghan. Xelq'ara jama'et buni xitayning künséri éship bériwatqan tehditige qarshi tüzülgen ittipaq dep qarighan. Emma xitay hökümiti bu ittipaqni "Soghuq munasiwetler urushi idiyesige tayan'ghan guruhwaz birlik" dep eyibligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet