Xitaygha taqabil turushni meqset qilghan “Amérika, yaponiye we hindistan” üch dölet hemkarliqi shekillen'gen

Muxbirimiz irade
2018-12-04
Share

Amérika, yaponiye we hindistan hindi-ténch okyan rayonining bixeterlikini qoghdash üchün birlikte heriket qilidiken. Bu heqte élan qilin'ghan xewerlerdin qarighanda, amérika prézidénti donald tramp, hindistan bash ministiri modi we yaponiye bash weziri shinzo abé argéntinadiki G20 dölet bashliqliri yighinida ayrim uchriship, yuqiridiki bu hemkarliq üstide söhbetleshken. “Yaponiye waqti” géziti we “Hindistan waqti” gézitliri bu heqtiki xewerliride bu üch döletning öz ara hemkarliqqa türtke bolghan amilning éniqla xitay ikenlikini bildürgen.

Xewerlerde éytilishiche, üch döletning in'gliz tilidiki namlirining bash heripliri bilen “JAI Guruppisi” dep atalghan bu heriket xitayning hindi-ténch okyan rayonidiki kéngeymichilikige ortaq qarshi turushni meqset qilghan. 

Roytérsning xewer qilishiche, seyshenbe küni amérika tashqi ishlar ministiri mayk pompéyo biryussélda yawropa döletlirining tashqi ishlar rehberliri bilen uchrashqan. Umu prézidént trampning xitay, rusiye we iranni cheklesh üchün yéngi bir dunya tertipi shekillendürüsh üchün heriket qiliwatqanliqini éytqan. Tashqi ishlar ministiri pompéyo sözide: “Biz ochuq-ashkara, adil we erkin döletlerning dunyasini saqlap qélish, qoghdash we uni qollash üchün heriket qiliwatimiz” dégen. 

U sözi dawamida, xitayning amérika bashchiliqidiki tijaret sistémisi we bashqa kélishimlerdin paydilinip kétiwatqanliqinimu tilgha alghan hem amérika prézidénti trampning hazir bu ehwalgha xatime bérish üchün dunya bankisi we xelq'ara pul-mu'amile fondi qatarliq orunlar bilen körüshüp, ularni xitaygha qerz bermeslikke dewet qiliwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet