Teqlidiy eqil shirketlirining xitaydiki qirghinchiliqqa shérik boluwatqanliqi diqqet qozghidi

Muxbirimiz eziz
2021-04-13
Share

Xitay hökümitining Uyghur diyaridiki siyasiy basturush herikiti dunya miqyasida "Irqiy qirghinchiliq" dep eyibliniwatqan bolsimu, teqlidiy eqil shirketlirining bu qebih qilmishqa bériwatqan yardemliri diqqettin saqit bolup kéliwatqan idi. "Washin'gton pochtisi" gézitining 12-apréldiki bash maqaliside bu mesile muhim orun igilidi.

Maqalida körsitilishiche, Uyghur diyaridiki zor kölemlik tutqunda milyonlighan kishiler lagérlargha qamalghan bolup, bu kishilerning qamilishida teqlidiy eqil sistémisi eng zor rol oynighan. Gerche teqlidiy eqil sistémisi adette jinayetlerning yüz bérish éhtimalliqi heqqide perezler bilen temin étidighan bolsimu, xitayda bu "Xeterlik" we "Ishenchsiz" kishilerge aldin höküm qilishning asasi bolup qalghan. Buning bilen milyonlighan kishilerning lagérlargha bérishi bir kéchidila belgilep qoyulghan.

Maqalida alahide qilip xitaydiki teqlidiy eqil shirketlirining eng nazuk téxnikilirining amérika shirketliridin kéliwatqanliqi tekitlinidu. Shuningdek bu amérika shirketlirining xitay shirketlirini téxnika bilen temin étishining mahiyette Uyghurlarni qirghin qilishqa wasitilik halda shérik bolghanliqqa barawer ikenliki eskertilidu. Maqalida éniq qilip "Nawada biz bu qirghinchiliqqa xatime bérimiz, deydikenmiz, buningdiki bir muhim qedem amérika shirketlirining bu xil téxnika yardimige xatime bérishtin bashlinishi lazim" déyilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet