Uyghur élidin 4000 neper aliy mektep püttürgen yash ichkiri ölkilerge "Terbiyilinish" ke ewetilidiken

Muxbirimiz irade
2016-12-22
Share

Uyghur aptonom rayon da'iriliri 2017-yili ichide Uyghur élining jenubidiki üch wilayet we bir oblastiki ishqa orunlishalmighan yashlarni we aliy mekteplerni püttürgen az sanliq millet oqughuchilirini asas qilip turup, yene 4000 neper yashni ichkiri ölkilerge terbiyileshke ewetidiken.

Tengritagh tori bu heqtiki xewiride, bu yashlarning shinjanggha yardem bériwatqan herqaysi ölkilerdiki karxana we asasiy qatlam orunlirida "Terbiyilinish"ke ewetilidighanliqini bildürgen. Biraq, chet'ellerdiki Uyghur közetküchiliri alliqachan aliy bilim yurtlirini püttürüp chiqqan yashlarni yene ichkiri ölkilerge atalmish "Terbiye élish" qa ewetishning bihudiliqini eskertip, bu siyaset peqet yashlarning waqtini israp qilish, bihude awarichilik tughdurup zériktürüsh hem asasliqi Uyghurlarni asas qilghan bu az sanliq millet yashlirini tarqaqlashturushni meqset qilghan, deydu.

Melum bolushiche, ish kütüp turghan aliy mektep püttürgen yashlarni ichkiride terbiyilesh 2009‏-yilidiki ürümchi weqesidin kéyin, 2010‏-yilidin étibaren yolgha qoyuluwatqan bolup, mushu bir yil ichide 4200 neperge yéqin ishsiz yash ichkiri ölkilerge ewetilgen iken. Uyghur rayoni da'iriliri "Éshincha emgek küchlirini yötkep ishqa orunlashturush" siyasiti boyichimu Uyghur yéziliridiki yashlarnimu ichkiri ölkilerge erzan emgek küchi süpitide yötkeshni dawam qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet