Uyghur élidiki nahiyelerde xitay yaki xitay tilliq xizmetchi qobul qilish élanliri köplep élan qilinmaqta

Muxbirimiz irade
2019-04-11
Élxet
Pikir
Share
Print

Uyghur élidiki ishlepchiqirish-qurulush armiyesi, yeni bingtu'en özining tor-uchur ishxanisigha xitay ölkiliridin adem qobul qilidighanliqi heqqide élan chiqarghan.

Junggo xewerler torining bu heqtiki xewirige qarighanda, Uyghur rayonluq bingtu'en partkomining tor-uchur ishxanisi uqturush chiqirip, xitay ölkiliridin 5 neper mu'awin ishxana bashqarma derijilik xadim qobul qilidighanliqi jakarlighan.

Bundin bashqa yene Uyghurlar bir qeder zich olturaqlashqan cherchen nahiyelik hökümet tor bétide cherchendiki tor-uchur cheklik shirkiti we tébbiy dora shirkiti qatarliq 4 orun'gha adem qobul qilish heqqide uqturush bérilgen. Bu uqturushlarning beziliride qobul qilinidighanlargha éniq qilip xitay millitidin qobul qilinidighanliqi yézilghan. Millet cheklimisi qoyulmighanlirigha "Qobul qilinidighan az sanliq millet namzatliri dölet tilini mukemmel bilishi kérek" dégen shert qoshulghan.

Uyghur élidiki herqaysiy nahiyelerning tor betliride yéqindin buyan xitay miqyasidin xizmetchi qobul qilish élanliri köplep bérilmekte. Chet'ellerdiki közetküchiler Uyghur élide 800 mingdin 2 milyon'ghiche Uyghur lagérgha qamalghan bir ehwalda da'irilerning xitay ölkiliridin jiddiy halda xitay emgek küchi toluqlawatqanliqini perez qilishmaqta.

Toluq bet