Xitayning bu yilliq dölet bayrimida Uyghurlarning "Jungxu'a milliti" ikenliki alahide gewdilendürülgen

Muxbirimiz erkin
2021-10-01
Share

Xitayning 1-‍öktebir dölet bayrimi küni amérika, en'gliye, kanada, türkiye qatarliq döletlerdiki Uyghurlar namayish qilip, xitayning Uyghurlargha yürgüzgen "Irqiy qirghinchiliqi" ni jawabkarliqqa tartishni telep qilghan bir waqitta, xitay da'irlirimu Uyghur élide her xil pa'aliyetlerni ötküzüp, "Dölet bayrimi" ning 72 yilliqini tebrikligen. Xitay taratquliridin xewerliridin melum bolushiche, bu pa'aliyetlerde Uyghurlarning "Jungxu'a milliti" ikenliki we ulargha "Irqiy qirghinchiliq" élip barmighanliqini alahide gewdilendürüshke tirishqan.

"Shinjang géziti" ning xewer qilishiche, xitayning Uyghur aptonom rayonidiki siyasiy, memuri, herbiy emeldarlirining qatnishishi bilen 30-séntebir ürümchidiki xelq meydanida "Xelq qehrimanliri" gha gül chembirek qoyush murasimi ötküzülgen. Bu murasimgha tunji qétim Uyghur aptonom rayonining re'isi shöhret zakir qatnashmighan. Uning ornigha shu küni aptonom rayonning muweqqet re'isi bolup teyinlen'gen erkin tuniyaz ishtirak qilghan.

Xitay ijtima'iy taratqulirida élan qilin'ghan xitay dölet bayrimini tebrikleshke a'it widiyolarda, hemme yerge xitay dölet bayraqlirining ésilishi, hemme Uyghur birdek dölet bayriqi chüshürülgen maskilarni taqishi diqqet qozghighan. Bu widiyolarda yene pütün xitaylarning Uyghurche usul oynap, pütün Uyghurlarning xitayche usul oynishi kishilerde bu pa'aliyetlerning teshkillik élip bériliwatqanliqigha da'ir perezlerni kücheytken.

Xitay hökümiti 2017-yili bashlighan chong tutqunda yüz minglighan Uyghurni lagér, türmilerge qamash bilen bir waqitta, lagér sirtidiki Uyghurlarni xitayning dölet bayrimi, chaghan we tawuz chaghini qatarliq siyasiy we en'eniwi bayramlirini tebrikleshke uyushturup, ularda atalmish "Jongxu'a milliti" éngini turghuzushqa kirishkenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet