"лос-анжелис вақти" гезити уйғур райони вәзийитиниң "хияли нормаллиқ" икәнликини билдүрди

Мухбиримиз әркин
2020-12-18
Share

Американиң "лос-анжелис вақти" гезитиниң мухбири йеқинда уйғур елини бир һәптилик зиярәт қилип, нөвәттики уйғур ели вәзийитиниң "хияли нормаллиқ" икәнликини билдургән. Мәзкур гезитниң мухбири бу сәпиридә райондики бир қисим түрмә, тутуп туруш мәзкәзлирини, чеқиветилгән мәсчит вә қаттиқ бихәтәрлик астидики карханиға озгәртилгән лагерларни сиртидин зиярәт қилған. Хәвәрдә тәкитлишичә, улар зиярәт қилған қәшқәр, корла қатарлиқ җайлардики бирқанчилиған уйғур йезиси қуруғдинип қалған болуп, өйләрниң ишиклиригә "бу өйләрниң игилири узун мәзгил йоқ болғанлиқи үчүн қулупланди," дегән хәтләр йезилған икән.

Хәвәрдә корла сиртидики бир йезида бир хитай әмәлдариниң йәрликләр билән сөзлишиш "бихәтәрлик мәсилисини кәлтүрүп чиқиридиғанлиқи" ни тәкитләп: "бу йәрдә пуқралар билән сөзлишишкә болмайду, ташқирида бизгә даир бәк көп сәлбий хәвәр берилди. Силәр пәқәт биз орунлаштурған кишиләр биләнла сөзлишисиләр," диегәнликини билдүргән.

"лос-анҗжелис вақти" гезитиниң "яшишимизға рухсәт қиламду?-шинҗаңда йиғивелиш лагерлиридин сақ қалғанлар билән созлишиш" намлиқ бу хәвиридә мухбир өзиниң түрмидин чиққан уйғурлар билән сөзләшкәнликини билдүргән. Хәвәрдә қәшқәрниң кечлик базирида уйғурларниң хитайлар билән арилишип кәткәнлики, уларниң үрүмчдики нан музейида херидарларни нан тетип беқишқа тәклип қилидиғанлиқи, саяһәт орунлирида "милләтләр иттипақлиқи" вә "һәргиз айрилмаслиқ" тоғрисидики нахшиларниң ейтилидиғанлиқи, "даириләрниң шинҗаңда хияли бир номаллиқни тәсвирләватқанлиқи" тәктиләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт