Amérika xongkonggha qaratqan barliq imtiyazlarni bikar qildi

Muxbirimiz nur'iman
2020-07-01
Share

29-Iyun xitay kompartiyesi xongkong heqqide "Dölet xewpsizliki qanuni" ni maqullighandin kéyin, amérika özining xongkonggha qaratqan alahide siyasitini toxtatqanliqini jakarlidi.

"Maliye waqti géziti" ning 1-iyul bergen xewirige asaslan'ghanda, amérika bundin kéyin xongkonggha qoral-yaraq éksport qilishnimu chekleydiken.

Xewerge qarighanda, amérika qoral-yaraqtin bashqa yene sezgür téxnikalarnimu xongkonggha éksport qilishni chekleydiken.

Amérika tashqi ishlar ministiri mayk pompéyo xongkong heqqidiki bayanatida béyjingning xongkong heqqidiki qararlirini yolgha qoyghandin kéyin, amérika hökümitining xongkonggha qaratqan alahide imtiyazlirini bikar qilidighanliqi, xongkonggha éksport qilinidighan buyumlarning xitayning bashqa rayonliridin perqlendürülmeydighanliqini bildürgen.

Xewerge asaslan'ghanda, amérikaning bir emeldari xongkongda ishlepchiqirilghan kaméra, éléktronluq bir terep qilghuch we mikro éléktronluq bir terep qilghuch qatarliq üskünilerni sétiwélishning aldini alidighanliqini éytqan. U: "Xitayning musulman Uyghurlarni basturushini nezerdin saqit qilmasliqimiz, xitayning öz puqralirigha qandaq mu'amile qiliwatqanliqini dunyagha bildürüshimiz kérek," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet