Kanada hökümiti xongkong mesilisi toghruluq xitayni eyibligende Uyghur mesilisinimu untup qalmidi

Muxbirimiz jewlan
2020-11-12
Share

"Kanada radiyosi" (CBC) torining 12-noyabir xewer qilishiche, kanada hökümiti xongkong parlaméntidiki démokratik ezalarning wezipisidin qaldurulghanliqini eyibligen we köpligen xongkong puqralirining kanadagha köchmen bolushigha yardem qilidighanliqini bildürgen.

Xewerde yene, kanada awam palatasi Uyghur musulmanliri krizisini tekshürüsh komitéti yekünligen kommunist xitay hökümitining Uyghurlargha yürgüzüwatqan irqiy qirghinchiliq jinayitimu tilgha élin'ghan bolup, mezkur komitétning bashliqi, libérllar partiyesidin bolghan parlamént ezasi pétir fronsisa(Peter Fronseca) ning "Bu komitét shuninggha ishiniduki, xitay kompartiyesining qilmishliri'irqiy qirghinchiliqning aldini élish we uni jazalash ehdinamisi'da körsitilginidek, irqiy qirghinchiliq jinayiti shekillendüridu" dégen sözi we yéngi démokratlar partiyesidin bolghan parlamént ezasi hidér mekférson (Heather McPherson) ning "Emeliyet shuni ispatlidiki, bir milletni yoqitish, uninggha irqiy qirghinchiliq yürgüzüsh üchün awwal u milletning ayallirini yoqitish kérek. Xitayning Uyghur ayallirini tughushtin cheklishi irqiy qirghinchiliq jinayitining neq özidur" dégen sözi neqil keltürülgen.

Xewerde bildürülüshiche, xitay hökümiti kanada hökümitini xongkongning ishlirigha arilishishtin agahlandurghan we Uyghurlar mesiliside xitayni tenqidleshtin toxtashni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet