Xongkongda 1-iyul ötküzülidighan namayish teywenning diqqitini qozghidi

1-Iyul küni 1997-yili xongkongning igilik hoquqi en'gliyedin xitaygha ötküzüp bérilgenlikige 19 yil tolidu. Xongkong taratquliridin melum bolushiche, xongkongluqlar bu yilmu 1-iyul keng-kölemlik namayish pilanlighan. Namayishning sho'ari “Ittipaqliship, xongkongni saqlash” dep belgilen'gen.

Melum bolushiche, 1997-yili xongkongning igilik hoquqi en'gliyedin xitaygha ötküzüp bérilgendin buyan, xongkongda her yili 1-iyulni xatirilesh namayishi dawamliship kelgen. Teywendiki hökümet taratquliridin melum bolushiche, xongkongda jüme küni ötküzülidighan namayish teywen sey yingwin hökümitining diqqitini qozghighan.

Bu heqtiki xewerlerde déyilishiche, teywenning nöwettiki hökümitining bayanatchisi chyu süyjing 30-iyun peyshenbe küni bayanat bérip, xitay hökümitining “Xongkongda bir dölet ikki xil tüzüm” siyasitini emeliyleshtürüshi kéreklikini tekitligen. Chyu suyjing bayanatida yene, xongkongda puqralirining her yili 1-iyul küni namayish qilip kéliwatqanliqini tilgha élip, teywen hökümitining bu xil weziyetke yéqindin diqqet qilip kéliwatqanliqini bildürgen.