Хоңкоңда 1-июл өткүзүлидиған намайиш тәйвәнниң диққитини қозғиди

1-Июл күни 1997-йили хоңкоңниң игилик һоқуқи әнглийәдин хитайға өткүзүп берилгәнликигә 19 йил толиду. Хоңкоң таратқулиридин мәлум болушичә, хоңкоңлуқлар бу йилму 1-июл кәң-көләмлик намайиш пиланлиған. Намайишниң шоари “иттипақлишип, хоңкоңни сақлаш” дәп бәлгиләнгән.

Мәлум болушичә, 1997-йили хоңкоңниң игилик һоқуқи әнглийәдин хитайға өткүзүп берилгәндин буян, хоңкоңда һәр йили 1-июлни хатириләш намайиши давамлишип кәлгән. Тәйвәндики һөкүмәт таратқулиридин мәлум болушичә, хоңкоңда җүмә күни өткүзүлидиған намайиш тәйвән сәй йиңвин һөкүмитиниң диққитини қозғиған.

Бу һәқтики хәвәрләрдә дейилишичә, тәйвәнниң нөвәттики һөкүмитиниң баянатчиси чю сүйҗиң 30-июн пәйшәнбә күни баянат берип, хитай һөкүмитиниң “хоңкоңда бир дөләт икки хил түзүм” сияситини әмәлийләштүрүши керәкликини тәкитлигән. Чю суйҗиң баянатида йәнә, хоңкоңда пуқралириниң һәр йили 1-июл күни намайиш қилип келиватқанлиқини тилға елип, тәйвән һөкүмитиниң бу хил вәзийәткә йеқиндин диққәт қилип келиватқанлиқини билдүргән.