Söhbet netijide bermidi, xongkong namayishchiliri yene heriketlendi

Muxbirimiz jüme
2014-10-22
Élxet
Pikir
Share
Print

Hökümet bilen ötküzülgen söhbet netijide bermigendin kéyin, charshenbe küni 200 ge yéqin namayishchi xongkong waliysining turalghusigha yürüsh qilip awazini anglitishqa atlandi.

Bashqa namayishchilar xongkongning asasliq kochilirini igilesh herikitini dawamlashturdi.

Xongkong waliysi lyang jéngyingning turalghusigha qarap yürüsh qilghan namayishchilar uni derhal istépa bérishke chaqirdi.

Asasliqi oqughuchiliridin terkib tapqan xongkong démokratiye namayishchiliri ötken bir nechche heptidin buyan xongkongning asasliq rayonlirini igilep xitaydin démokratiye telep qilmaqta idi.

Ular, xongkongdiki béyjing beres saylash guruppisini qobul qilmaydighanliqini élan qilghan we 2017-yilliq rayon bashliqini özliri saylashni telep qilghan.

Halbuki, namayishchilarning telepliri hazirghiche jawabsiz qaldurulghan. Hökümet ilgiri ikki qétim oqughuchilar bilen söhbet ötküzüshke wede bergen bolsimu, wedisidin yéniwalghan.

3-Qétimliq söhbet 21-öktebir ötküzüldi. Shunche teste ötküzülgen bu söhbet netijisiz ayaghlashqandin kéyin oqughuchilar namayishni yene dawam qildi.

Oqughuchilar bu nöwetlik namayishni hökümet teleplirige qulaq salghan'gha qeder dawamlashturidighanliqini bildürüshmekte.

Toluq bet