Xongkongda "Künlük herikiti" ning bir ayliqi xatirilendi

Muxbirimiz irade
2014-10-28
Élxet
Pikir
Share
Print

Xongkongluq oqughuchilar bügün xongkong "Künlük herikiti" ning bir ayliqini xatirilidi. Seyshenbe küni kéchide minglighan oqughuchi merkizi namayish meydanigha yighilip, künlük échish arqiliq, heriketning bir ayliqini xatirilidi.

Bundin bir ay awwal, xongkong saqchiliri tinch namayish qiliwatqan oqughuchilargha küch qollinip, ularni köz yashartquchi bomba arqiliq tarqitishqa urun'ghandin kéyin oqughuchilarning namayish herikiti téximu küchlinip ketken idi.

Bügünki xatirilesh murasimida démokratik namayishning yétekchiliri yene özlirining biwasite halda kompartiye rehberliri bilen uchrishishni telep qilishi mumkinlikini bildürdi. Firansiye agéntliqining éytishiche, bu, xongkongda namayishlar bashlighandin buyan oqughuchilarning tunji qétim bundaq bir éhtimalliqni tilgha élishi iken. Oqughuchilar herikiti yétekchiliridin aléks chu bügün qilghan sözide, eger xongkong hökümiti özlirining démokratiye telipini beja keltürmigen teqdirde, xitay bash ministiri ili kéchyang bilen biwasite körüshüshni telep qilidighanliqini éytti.

Biraq, xitay hökümiti xongkongdiki namayishni qanunsiz déyishni dawam qildi. Bügünmu xitay tereptin bérilgen bir bayanatta, xongkongdiki namayishlarni chet'el küchlirining qutritiwatqanliqi ilgiri sürüldi.

Toluq bet