Xitay dölet mudapiye ministiri xongkong we Uyghurlar mesiliside wezxanliq qildi

Uyghurlar mesilisi we xongkong namayishi xelq'ara metbu'atlardiki muhim xewerlerdin boluwatqanda xitayning dölet mudapiye ministiri wéy féngxé bu mesile heqqide yene bir qétim xitay hökümitini aqlidi.

“Nyu-york waqti” gézitining 5-noyabirdiki xewiride éytilishiche, shu küni amérika dölet mudapiye ministiri mark éspér bilen bolghan téléfon söhbiti jeryanida wéy féngxé tolimu ghelite halda xongkong namayishi we Uyghurlar diyaridiki lagérlar mesilisini tilgha alghan. Shinxu'a agéntliqining bu heqtiki xewiride wéy féngxéning zadi némilerni dégenliki éytilmighan bolup, uning amérikani bu mesililerde arqidin “Yel bermeslik” ke dewet qilghan bolushi texmin qilinmaqta iken.

Buningdin ilgiri wéy wéngxé ashkara sorunlarda xitayning jenubiy xitay déngizidiki zomigerlik qilmishi tenqid qilin'ghanda “Xelq azadliq armiyesi muqeddes wetinimizning bir ghérich yérinimu bashqilargha bériwetmeydu,” dégen iken.