Xongkongdiki namayishchilar arisida xitay chong quruqluqidin ewetilgen "Jidelchiler" bayqalghan

Muxbirimiz qutlan
2014-10-13
Share

Xongkong namayishchiliri bilen alahide memuriy rayon bashliqining di'alogi meghlubiyet bilen axirlashqandin kéyin, xongkong oqughuchiliri we sheher ahalilirining qarshiliq körsitish namayishi qaytidin ewjige chiqqan.

Birleshme agéntliqning xongkongdin bergen xewirige qarighanda nöwette xitay chong quruqluqidin xongkongdiki namayishchilargha hemdem bolush üchün kéliwatqan yashlar köpeygen.

Wehalenki, mushu pursettin paydilinip xongkong namayishchilirini qalaymiqan qilish, namayishning xaraktérini burash meqsitide peyda bolghan bir ochum "Jidelchiler" mu otturigha chiqishqa bashlighan.

Ular "Namayishchi" qiyapitige kiriwélip, kishiler arisida jédel térishqa, yoq ishlarni bahane qilip namayishchilar arisida ixtilap peyda qilishqa urun'ghan. Yene bir qisim xitay chong quruqluqidin kelgen salahiyiti namelum kishiler ijtima'iy taratqular arqiliq namayishchilargha hujum qilghan. Ular "Junggosiz xongkong bir künmu mewjut bolup turalmaydu", "Biz silerge yetküdek démokratiye berduq" dégendek sözlerni tarqatqan.

Xongkong saqchiliri peqetla béyjing ortaq tilida sözleydighan "Jidelchiler" din birqanchini tutqan. Xongkongdiki namayish teshkilligüchiler namayish tertipini saqlash we xitay chong quruqluqidin kelgen "Jidelchiler" ning arigha suqunup kiriwélishidin saqlinish üchün namayishchilarning peqetla gwangdung tilida sözlishini telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet