Xitay hökümitining xongkongdiki saylamgha arilishishi tenqid qilindi

Muxbirimiz irade
2017-03-28
Share

Bir qisim amérika dölet mejlisi ezaliri bayanat élan qilip, xitay hökümitining xongkongdiki saylamgha arilashqanliqini tenqidlidi.

Birleshme agéntliqining xewer qilishiche, xongkongda yekshenbe küni élip bérilghan saylamda xitay hökümiti békitken namzatlar ichidin kerriy lem xongkong waliyliqigha saylan'ghan bolup, kerriy lem özining xitay kompartiyisige alahide yéqinliqi bilen tonulidighan namzat iken.

Amérika hökümiti we mejlisi qarmiqidiki xitay ishliri komitétining bashliqliri marko rubiyo we kiristofér simis düshenbe küni bu heqte élan qilghan bayanatida, xitay hökümitining xongkongdiki alliqachan nahayiti cheklen'gen bir shara'itta élip bérilghan saylamdimu saylam komitétigha bésim qilish arqiliq saylamgha arilashqanliqini, bu weziyetning özliride jiddiy endishe peyda qilghanliqini bildürdi.

Kiris simis kerriy lemning béyjing hökümiti tallighan biriliqining nahayiti éniqliqini eskertip turup, xongkongni qanun arqiliq idare qilishning bundin kéyin yenimu qiyinlishidighanliqini bildürdi.

Xongkong waliysi saylimi uzundin béri diqqet nuqtisi bolup kelgen we nurghun aliy mektep oqughuchiliri namayish qilip, béyjing hökümitining buninggha arilishishigha naraziliq bildürgen. Bu heqtiki xewerlerdin qarighanda, saylam netijisi éniq bolghandin kéyin, oqughuchilar namayishi yétekchiliri saqchi da'iriliri teripidin tutup soraq qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet