Хитай хоңкоңда йүргүзүватқан "бир дөләттә икки хил түзүм" сияситини әмәлдин қалдурушиниң мумкинликидин бешарәт бәргән

Мухбиримиз қутлан
2017-05-01
Share

Бейҗиңниң хоңкоңда турушлуқ алақилишиш ишханиси қанун бөлүминиң башлиқи ваң җенминниң 29-апрел күни қилған сөзи хоңкоңдики һәр саһә кишиләрниң диққитини қозғиған.

У мундақ дегән: "әгәрдә бәзиләр хоңкоңниң аптономийәси арқилиқ җуңго билән тиркәшсә яки дөләтниң бу йәрдики мәвҗутлуқиға тәһдит салса, һәрқандақ бир дөләт ‹икки хил түзүм' ни давамлаштурушқа амалсиз қалиду."

У йәнә мундақ дегән: "хоңкоңниң алий мухтарияти һәргизму дөләтниң бирликигә зәрәр кәлтүрмәслики керәк. Әгәрдә ‹бир дөләттә икки хил түзүм' мәғлуп болса, хоңкоңниң тартидиған зийини әлвәттә җуңгониң зийинидин нәччә һәссә чоң болиду."

У йәнә агаһландуруп мундақ дегән: "әгәрдә бәзиләр хоңкоңни җуңгоға қарши бир базиға айландурмақчи болидикән, җуңго һөкүмити буниңға һәргизму сүкүт қилмайду."

Көзәткүчиләр, ваң җенминниң юқириқи сөзлири хитайниң хоңкоңға бәргән аптономийәсиниң узаққа баралмайдиғанлиқидин сигнал бәрмәктә, дәп һесаблимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт