Америка һөкүмити ядро қораллири саһәсидә армийәни йеңиваштин қоралландурмақта

Мухбиримиз әзиз
2020-05-06
Share

Америка-хитай оттурисидики сүркилишниң ешип беришиға әгишип америка һөкүмити хитай билән болған риқабәттә йеңи һәрбий қораллар вә охшимиған мусапидики ракеталарни йеңилимақта икән.

Ройтерс агентлиқиниң 5-майдики хәвиридә ейтилишичә, америка һөкүмити өткән он нәччә йил җәрянида хитайниң һәрбий қуввитини зор күч билән ашурушиға қарита сүкүт қилип кәлгән икән. Нөвәттики икки тәрәп мунасивитидә көрүлүшкә башлиған “соғуқ уруш” ниң аламәтлири түпәйлидин бәш бурҗәклик бина һазир асия-тинч окян районида узун мусапилик башқурулидиған бомбиларни орнитишни җиддий ойлашмақта икән. Ақ сарайниң 2021-йиллиқ һәрбий хамчот доклатида болса бу нуқта ениқ тилға елинған.

Хәвәрдә ейтилишичә, америка һөкүмити һазир хитайниң қуруқлуқни асас қилған ракета әвзәлликини бесип чүшүш үчүн америка деңиз армийисигә узун мусапилик ракеталарни сәпләш билән биргә деңиз армийисиниң пиядиләр қисмини дүшмән уруш парахотлириға һуҗум қилишқа ишлитишни қарар қилған. Буниңда навада уруш болуп қалса бу қисимлар ғәрбий тинч окяндики “биринчи арал зәнҗири” гә әвәтилидикән. Бу район болса японийәдин тәйвән боғузи арқилиқ филиппинға баридиған линийәни көрситидикән.

Хәвәрдә нөвәттики таҗсиман вируси зор бир мәсилигә айлиниватқанда хитайниң тәйвәнгә һәрбий җәһәттә қорқақ селиши әдәп кетиватқанлиқи сәвәбидин американиң бу һәқтики өзгәртишни тез сүрәттә орунлашқа алдираватқанлиқи алаһидә әскәртилиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт