Amérika hökümiti yadro qoralliri saheside armiyeni yéngiwashtin qorallandurmaqta

Muxbirimiz eziz
2020-05-06
Share

Amérika-xitay otturisidiki sürkilishning éship bérishigha egiship amérika hökümiti xitay bilen bolghan riqabette yéngi herbiy qorallar we oxshimighan musapidiki rakétalarni yéngilimaqta iken.

Roytérs agéntliqining 5-maydiki xewiride éytilishiche, amérika hökümiti ötken on nechche yil jeryanida xitayning herbiy quwwitini zor küch bilen ashurushigha qarita süküt qilip kelgen iken. Nöwettiki ikki terep munasiwitide körülüshke bashlighan "Soghuq urush" ning alametliri tüpeylidin besh burjeklik bina hazir asiya-tinch okyan rayonida uzun musapilik bashqurulidighan bombilarni ornitishni jiddiy oylashmaqta iken. Aq sarayning 2021-yilliq herbiy xamchot doklatida bolsa bu nuqta éniq tilgha élin'ghan.

Xewerde éytilishiche, amérika hökümiti hazir xitayning quruqluqni asas qilghan rakéta ewzellikini bésip chüshüsh üchün amérika déngiz armiyisige uzun musapilik rakétalarni seplesh bilen birge déngiz armiyisining piyadiler qismini düshmen urush paraxotlirigha hujum qilishqa ishlitishni qarar qilghan. Buningda nawada urush bolup qalsa bu qisimlar gherbiy tinch okyandiki "Birinchi aral zenjiri" ge ewetilidiken. Bu rayon bolsa yaponiyedin teywen boghuzi arqiliq filippin'gha baridighan liniyeni körsitidiken.

Xewerde nöwettiki tajsiman wirusi zor bir mesilige ayliniwatqanda xitayning teywen'ge herbiy jehette qorqaq sélishi edep kétiwatqanliqi sewebidin amérikaning bu heqtiki özgertishni téz sür'ette orunlashqa aldirawatqanliqi alahide eskertilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet