Шинҗаң теббий университети оқуғучиларниң диний түс алған кийим-кечәк кийишини чәклигән

Мухбиримиз әркин
2014-05-05
Елхәт
Пикир
Share
Принт

Йеқинда, «шинҗаң теббий университети» бәлгилимә чиқирип, оқуғучиларниң диний түс алған, диний бәлгиси бар кийим-кечәкләрни кийиши, зиннәт буюмлирини тақишини чәклигән.

Хитай һөкүмити йеқиндин буян сақал қоюш, чүмбәл артиш, һиҗаб кийиш, роза тутуш қатарлиқ хаһишларни «диний ашқунлуқниң символи» дәп қарап бастурушни күчәйткән. Лекин, кишилик һоқуқ тәшкилатлири буниң диний әркинликкә қилинған ашкара бузғунчилиқ икәнликини тәнқидләп кәлгән иди.

Бәлгилимидә, бу хил кийим-кечәкләрни кийгәнләрниң мәктәп қорусиға, оқутуш бинаси, ашхана, ятақ бинаси, кутупхана қатарлиқ аммиви сорунларға киришини бирдәк мәни қилған. Шуниң билән биргә, оқуғучиларниң дәрсхана, тәҗрибихана, имтиһан мәйдани вә йиғинға бирдәк ялаңваштақ кириши тәләп қилинған.

Бәлгилимидә охшашла қисқа йопка, очуқ асма майка, зиядә қисқа иштан вә зиядә қисқа көңләк қатарлиқ кийим-кечәкләрни кийиш чәкләнгән болсиму, лекин қандақ кийим-кечәкләрниң диний түс алған кийим-кечәк һесаблинидиғанлиқиға конкрет өлчәм бекитилмигән.

Вәқәдин хәвәрдар оқуғучиларниң радиомизға мәлум қилишичә, 4‏-апрел теббий университети мәркизий оқутуш районида яғлиқ артқан бир қиз оқуғучиниң оқутуш бинасиға киришигә йол қоюлмиған.

Мәзкур бәлгилимә, уйғур оқуғучилар арисида ғулғула қозғиған. Бәзи оқуғучилар мәктәптики оқутуш бинаси алдида сүкүттә туруп наразилиқ билдүрүшни пиланлиған.

Пикирләр (0)
Share
Толуқ бәт