Uyghur aptonom rayonluq da'iriler déhqanchiliqta ishlitidighan yaltiraqni omumyüzlük cheklesh belgilimisi chiqarghan

Muxbirimiz qutlan
2016.05.02
Share on WhatsApp
Share on WhatsApp


Shinxwa torining xewirige qarighanda, Uyghur aptonom rayonluq da'iriler mexsus belgilime chiqirip, déhqanchiliqta ishlitilidighan yaltiraqning 5 - ayning 1 - künidin étibaren omumyüzlük cheklinidighanliqini bildürgen.

“Uyghur aptonom rayonining déhqanchiliqta ishlitilidighan yaltiraqni bashqurush belgilimisi” de 1 - maydin étibaren Uyghur élidiki zawutlarning yaltiraq ishlepchiqirishi we sétishi shuningdek déhqanlarning térilghu yerlerge yaltiraq ishlitishi birdek men'iy qilin'ghanliqi belgilen'gen.

Melum bolushiche, xitayda 1970 - yillarning axiriliridin bashlap, qonaq, kéwez, xasing, tamaka we türlük köktatliq étizlirida mehsulatni yoqiri kötürüsh üchün yaltiraq ishlitish téxnikisi omumlashturulghan. Eyni chaghda bu téxnika xitayda déhqanchiliqtiki “Aq renglik inqilab” dep kökke kötürülgen.

Halbuki, aridin 40 yilgha yéqin waqit ötkende xitaydiki, bolupmu Uyghur élidiki térilghu yerler yaltiraqning éghir derijidiki bulghishigha uchrap, tupraqning ünümdarliqi zor derijide töwenlep ketken. Shu wejidin xitay taratquliri ilgiri déhqanchiliqtiki “Aq renglik inqilab” dep medhiyeligen bu téxnika nöwette “Aq renglik bulghima” dégen selbiy namgha almashqan.

Közetküchiler, xitay da'irilirining uzun yillardin buyan déhqanchiliq, charwichiliq, baghwenchilik we köktatchiliq qatarliq sahelerde ximiyewiy oghut, déhqanchiliq doriliri hemde türlük zeherlik birikmilerge yol qoyup, peqetla mehsulat miqdarini ashurushni asasliq nishan qilip kelgenlikini, istémalchilarning saghlamliqi bilen yémeklik bixeterlikini nezerdin saqit qilip kelgenlikini tenqid qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.