Xitayning yanfon ep bazarlirigha qaritilghan cheklimilerni kücheytkenliki melum

Muxbirimiz jüme
2016.06.29
Share on WhatsApp
Share on WhatsApp

Xitay intérnét da'irilirining yéngi qa'idilerni chiqirip, xitay ichidiki yanfon ep bazarlirigha qaritilghan cheklimilerni kücheytkenliki melum.

“Jenubiy xitay seher géziti” ning xewer qilishiche, xitayning tor bashqurush organliri, yanfon ep bazirida yumtal satidighan shirket yaki shexslerdin xéridarlarni öz ismi bilen tizimlitish tüzümni qollinish we xéridarlarning heriket xatirisini 60 kün'giche saqlashni telep qilghan.

Xewerde körsitishiche, xitay intérnétni memuriy bashqurush idarisi chiqarghan mezkur belgilime, hökümet da'irilirini ep baziri abuntlirining shexsiy uchurlirini ziyade tizginlesh hoquqigha ige qilidiken.

Melum bolushiche, bu belgilime bu yil 1-awghusttin bashlap yolgha qoyulidiken.

Mezkur belgilimide xitaydiki yanfon eplirini ishletküchilerning yanfon ijtima'iy alaqiside leqem yaki texelluslarni qollinishigha yol qoyulghan bolsimu, emma ularning ep sétiwalghanda, yaki yükligende choqum özining kimliktiki isimni ishlitishi shert qilin'ghan.

Xewerde neqil qilishiche, gu'angjudiki bir yanfon ep teminligüchisi mezkur belgilimining “Abuntlarni siyasiy, ijtima'iy témilardiki sezgür pikirlerni yézishtin chekleshni meqset qilidighan” liqini bildürgen. U yene: “Bu qa'idiler pikir erkinlikini téximu boghidu” dégen.

Xitay da'iriliri ötken yili féwraldin bashlap intérnét qollan'ghuchilirini heqiqiy ismi bilen tizimlitishqa mejburlighan bolsa, bu yil maydin étibaren téléfonlarnimu kimlik boyiche tizimlashni kücheytidighanliqini élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.