Yaponiye tunji radarda körünmes küreshchi ayropilanini ashkarilidi

28 - Yanwar, yaponiye öz aldigha yasighan tunji radarda körünmes küreshchi ayropilanini ashkarilap, dunyada mushu xil téxnikigha ige 4 - dölet bolup qaldi.

Firansiye agéntliqining xewer qilishiche, yaponiyeningX - 2 namliq bu küreshchi ayropilanni yaponiye mitsubishi éghir sana'et shirkiti ilgiri amérika bilen birliship ishlep chiqarghan F - 2 tipliq ayropilan asasida yasighan.

Mezkur ayropilan nöwette merkiziy yaponiyege jaylashqan komaki shehiridiki bir herbiy ayroportta saqliniwatqan bolup, ayropilan bu yil féwralda sinaq qilinidiken.

Xewerde mezkur ayropilan téxnikisini ötküzüwalghan yaponiye mudapi'e wazaritige qarashliq bir hökümet orgini, nöwette amérika, rusiye, xitayning dunyada radarda körünmes küreshchi ayropilan yasash téxnikisigha ige we shu xil ayropilanlarni ishlep chiqiridighan döletler dep étirap qilin'ghanliqini bildürgen.

Melum bolushiche, yaponiye hökümiti bu radarda körünmes küreshchi ayropilanni yasashqa 332 milyon dollar serp qilghan.

Yaponiye 2 - dunya urushida meghlup bolghandin kéyin, uning öz alidighan küreshchi ayropilan yaki bashqa xildiki ayropilanlarni yasishi we éksport qilishi cheklen'gen.

Nöwettiki bash wezir shinzo abé hakimiyet béshigha chiqqandin kéyin, yaponiyening urushtin kéyikni asasiy qanunigha özgertish kirgüzgen we 2014 - yili aprélda yaponiyening herbiy sana'itige qaritilghan cheklimini bikar qilghan idi.

Ötken yili noyabirda mitsubishi éghir sana'et shirkiti tunji kichik tiptiki yoluchilar ayropilanini netijilik sinaq qilghan idi.