Японийә тунҗи радарда көрүнмәс күрәшчи айропиланини ашкарилиди

Мухбиримиз җүмә
2016-01-30
Share


28 - январ, японийә өз алдиға ясиған тунҗи радарда көрүнмәс күрәшчи айропиланини ашкарилап, дуняда мушу хил техникиға игә 4 - дөләт болуп қалди.

Фирансийә агентлиқиниң хәвәр қилишичә, японийәниңX - 2 намлиқ бу күрәшчи айропиланни японийә митсубиши еғир санаәт ширкити илгири америка билән бирлишип ишләп чиқарған F - 2 типлиқ айропилан асасида ясиған.

Мәзкур айропилан нөвәттә мәркизий японийәгә җайлашқан комаки шәһиридики бир һәрбий айропортта сақлиниватқан болуп, айропилан бу йил февралда синақ қилинидикән.

Хәвәрдә мәзкур айропилан техникисини өткүзүвалған японийә мудапиә вазаритигә қарашлиқ бир һөкүмәт оргини, нөвәттә америка, русийә, хитайниң дуняда радарда көрүнмәс күрәшчи айропилан ясаш техникисиға игә вә шу хил айропиланларни ишләп чиқиридиған дөләтләр дәп етирап қилинғанлиқини билдүргән.

Мәлум болушичә, японийә һөкүмити бу радарда көрүнмәс күрәшчи айропиланни ясашқа 332 милйон доллар сәрп қилған.

Японийә 2 - дуня урушида мәғлуп болғандин кейин, униң өз алидиған күрәшчи айропилан яки башқа хилдики айропиланларни ясиши вә експорт қилиши чәкләнгән.

Нөвәттики баш вәзир шинзо абе һакимийәт бешиға чиққандин кейин, японийәниң уруштин кейикни асасий қануниға өзгәртиш киргүзгән вә 2014 - йили апрелда японийәниң һәрбий санаитигә қаритилған чәклимини бикар қилған иди.

Өткән йили ноябирда митсубиши еғир санаәт ширкити тунҗи кичик типтики йолучилар айропиланини нәтиҗилик синақ қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт