Японийә парламентидики “уйғур достлуқ гурупписи” ниң әзалири осакада уйғурлар үчүн паалийәт қилған

Вашингтондин мухбиримиз ирадә тәйярлиди
2023.09.14

Японийәниң осака өлкисиниң йәрлик парламентидики “уйғур достлуқ гурупписи” ниң әзалири японийә уйғур җәмийити билән бирликтә осака өлкисиниң хигашисака шәһиригә җайлашқан фусе( Fuse) бекитидә уйғурлар үчүн паалийәт қилған.

10-Сентәбир күни, улар бу бекәттә уйғурларниң нөвәттики әһвали тәсвирләнгән картон китаблирини тарқитиш вә баянат бериш арқилиқ уйғурлар учраватқан зулум вә һәмдә мәҗбурий әмгәк сиясити һәққидә мәлумат бәргән. Улар қоллирида ай-юлтузлуқ шәрқий түркистан байриқи һәмдә “уйғурмәҗбурий әмгикини тохтат” дегән мәзмундики панкартларни көтүргән.

Осакада өткүзүлгән бу тәшвиқат паалийитигә аит рәсимләр осака шәһәрлик парламентниң әзаси шооко нода ханим тәрипидин елан қилинған болуп, у бу паалийәтниң толиму әһмийәтлик болғанлиқини қәйт қилған.

Дуня уйғур қурултийиниң рәиси долқун әйса әпәнди вә һәмдә лагер шаһити қәлбинур сидиқ ханим қатарлиқ һәйәт өткән өктәбирдә японийәдә мәхсус зиярәттә болуп, йәрлик парламентиниң мәсули марияма әпәнди билән көрүшкәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.