Yaponiye parlaméntidiki “Uyghur dostluq guruppisi” ning ezaliri osakada Uyghurlar üchün pa'aliyet qilghan

Yaponiyening osaka ölkisining yerlik parlaméntidiki “Uyghur dostluq guruppisi” ning ezaliri yaponiye Uyghur jem'iyiti bilen birlikte osaka ölkisining xigashisaka shehirige jaylashqan fusé( Fuse) békitide Uyghurlar üchün pa'aliyet qilghan.

10-Séntebir küni, ular bu békette Uyghurlarning nöwettiki ehwali teswirlen'gen karton kitablirini tarqitish we bayanat bérish arqiliq Uyghurlar uchrawatqan zulum we hemde mejburiy emgek siyasiti heqqide melumat bergen. Ular qollirida ay-yultuzluq sherqiy türkistan bayriqi hemde “Uyghurmejburiy emgikini toxtat” dégen mezmundiki pankartlarni kötürgen.

Osakada ötküzülgen bu teshwiqat pa'aliyitige a'it resimler osaka sheherlik parlaméntning ezasi sho'oko noda xanim teripidin élan qilin'ghan bolup, u bu pa'aliyetning tolimu ehmiyetlik bolghanliqini qeyt qilghan.

Dunya Uyghur qurultiyining re'isi dolqun eysa ependi we hemde lagér shahiti qelbinur sidiq xanim qatarliq hey'et ötken öktebirde yaponiyede mexsus ziyarette bolup, yerlik parlaméntining mes'uli mariyama ependi bilen körüshkenidi.