Yaponiye karxaniliri mal teminlesh liniyesidiki kishilik hoquq depsendichilikini qaytidin tekshüridiken

Muxbirimiz jewlan
2021-05-05
Share

Köpligen gherb döletliri mejburiy emgek mesilisi tüpeylidin xitay shirketlirige jaza yürgüzüwatqan ehwalda yaponiye karxanilirimu xelq'araning bésimigha uchrawatqan bolup, bu karxanilardin kishilik hoquq depsendichilikige chétishliq éghir mesililerni iz qoghlap tekshürüsh we ashkarilash telep qilin'ghan. Eger karxanilarda, mal teminligüchi shirketlerde yaki hödde alghuchi zawutlarda kishilik hoquq depsendichiliki qilmishi yüz berse bundaq karxanilarning xelq'arada inawiti tökülüpla qalmastin, erz-shikayet we qarshiliqlargha duch kélidiken.

"Yaponiye xewerliri" torining 5-aprél bergen xewiride éytilishiche, xitayning Uyghurlarni erzan bahaliq qul ornida ishlitishi mesilisi xelq'arada kishilik hoquq mesilisige köngül bölüsh dolquni qozghighan. Bu xil dunyawi yüzlinishke egiship, yaponiye hökümitimu bir heriket pilani qollinip, yaponiye karxanilirini kishilik hoquq ehwaligha diqqet qilishni telep qilghan. Kéler ayda yaponiye yene "Tüzitilgen shirket bashqurush nizami" gha bir maddini, yeni pay chéki bazargha sélinidighan shirketlerge a'it kishilik hoquq maddisini qoshidiken.

2020-Yil 3-ayda awstraliye istratégiyelik siyaset tetqiqat merkizi élan qilghan doklatta, Uyghurlarni qul ornida ishletken zawutlargha chétishliq karxanilar ichide yaponiyening 14 shirkiti barliqi melum bolghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet