Yaponiye tashqi ishlar ministirliqi xitay elchisini chaqirtti

Firansiye birleshme agéntliqining xewiridin melum bolushiche, yaponiye tashqi ishlar ministirliqi 5 - awghust küni xitayning tokyodiki bash elchisi chéng yungxu'ani chaqirtqan hemde xitay paraxotining sénkaku arili déngiz tewelikige üsüp kirgenlikige qattiq naraziliq bildürgen.

Xewerde éytilishiche, xitay bilen yaponiye otturisidiki talash tartishta turuwatqan sénkaku arili bu qétimqi naraziliqning asasiy sewebi bolghan. Yaponiye tashqi ishlar ministirliqi xitay döletlik déngiz okyan bashqurush idarisige qarashliq ikki paraxotning sénkaku arili déngiz tewelikige üsüp kirgenlikini, buning “Yaponiyening zémin pütünlükige dexli - teruz qilghanliq” bolidighanliqini éytqan hemde buninggha qattiq naraziliq bildürgen.

Xitay paraxotliri hemde ular bilen bille kelgen béliqchi paraxotlar yaponiye déngiz mudapi'e qisimlirining agahlandurushidin kéyin qaytip ketken.

Melum bolushiche, yaponiye hökümiti yene özlirining béyjingdiki elchixanisi arqiliq xitay merkiziy hökümitige mushu mesile heqqide naraziliq bildürgen.