Yaponiyining yéngi mudapi'e ministiri xitay bilen bolghan térritoriye mesilisi üstide toxtaldi

Muxbirimiz irade
2016.08.04


Firansiye a géntliqining xewer qilishiche, yaponiyining yéngi teyinlen'gen mudapi'e ministiri tamomi inada peyshenbe küni herbiy qoshunlarni közdin kechürgende qilghan sözide xitay bilen bolghan térritoriye mesilisi üstide toxtalghan. U sözide mundaq dégen : “Xitay, yaponiyini qorshap turidighan su we hawa térritoriyiside barghanséri aktip halgha kéliwatidu. U shundaqla özining qoral küchige tayinip turup igilik hoquq dawasida üstünlükni igilimekchi boluwatidu.”

Yaponiye mudapi'e ministiri tamomi inada sözide yene, shimaliy koriyining ighwagerlik heriketliriningmu köpiyip, yaponiye bixeterlikige tehdit peyda qiliwatqanliqini éytqan.

Melum bolushiche, tamomi inada charshenbe küni yaponiye bash weziri shinzo abé teripidin wezipige teyinlen'gen idi. U ilgiri 4 nöwet parlamént ezaliq wezipisini ötigen bolup, u özining milletchi köz qarishi bilen tonulidiken.

Firansiye agéntliqining éytishiche, u, xitay we jenubiy koriye qattiq qarshi turidighan “Yasukuni urush qehrimanliri” qebrigahinimu dawamliq yoqlap turidighanlarning biri iken. Charshenbe küni bir muxbir uningdin 15 - awghust küni ikkinchi dunya urushining xatire küni munasiwiti bilen qebrigahni ziyaret qilidighan - qilmaydighanliqini sorighanda, tamomi inada buninggha neq jawab bérishni ret qilip “Uni ziyaret qilish yaki qilmasliq - köngül mesilisi” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.